Buyuk Britaniya qirolichasi Yelizaveta II taxtdan voz kechish va valiahd shahzoda Charlzga hokimiyatni topshirish niyatida emas. Bu haqda qirolichaga yaqin manbalarga tayanib, The Sunday Times ma’lum qildi, deb xabar beradi “TASS”.
Manbalarga ko‘ra, qirolicha hukmdor sifatida mamlakat oldidagi majburiyatlarini bajarish shashtidan qaytmagan. U sog‘-salomat va davlat rahbari vazifalarini bajarishga qodir ekan, taxtdan voz kechish va hokimiyatni topshirish haqidagi ovozalar hech qanday asosga ega emas.
Eslatib o‘tamiz, oldinroq Yelizaveta II 2021-yilda, 95 yoshga to‘lganida taxtdan voz kechishi, hokimiyatni shahzoda Charlzga topshirishga tayyorgarlik ishlari boshlab yuborilgani haqida xabar berilgandi.
Izoh (0)