“Roskosmos” davlat korporatsiyasi raketa texnologiyalari sohasida Shimoliy Koreya bilan hamkorlik qilgani haqidagi ayblovlarni rad etdi. Bu haqda “TASS” xabar bermoqda.
“‘Roskosmos’ va uning tashkilotlari KXDR bilan hamkorlik qilmaydi, chunki o‘z faoliyati doirasida Rossiya qonunchiligi, qurollanish va tarqatmaslik ustidan nazorat xalqaro tartiblari, BMT Xavfsizlik kengashi rezolyutsiyalari bilan joriy etilgan cheklovlar talablariga qat’iy rioya etadi”, — deyiladi korporatsiya xabarida.
14-avgust, dushanba kuni The New York Times gazetasi KXDR tomonidan qit’alararo ballistik raketa uchirilishi Ukrainada ishlab chiqarilgan raketa dvigatellarini qora bozorda xarid qilinishi bilan bog‘liq bo‘lishi mumkinligini ma’lum qildi.
Shundan so‘ng Kiyev Moskvani Ukraina raketa dvigatellarini Pxenyanga yetkazishda aybladi.
Izoh (0)