Milliarder Karl Aykan 18-avgust, juma kuni AQSh prezidenti Donald Trampning iqtisodiyot va biznesdagi me’yor hamda qoidalar bo‘yicha maxsus maslahatchisi sifatida o‘zini ko‘rmasligini ma’lum qildi. Bu haqda “TASS” xabar bermoqda.
“Mazkur maktub prezidentning maxsus maslahatchisi sifatidagi faoliyatimni to‘xtatishim haqidagi o‘zaro suhbatimiz mavzusini tasdiqlaydi”, — deyiladi Aykanning Trampga yo‘llangan maktubida.
Milliarder xat nusxasini Twitter’dagi sahifasida joylashtirdi.
Karl Aykan 1961-yildan biznes bilan shug‘ullangan va o‘shandan beri Texaco, Western Union, Viacom, Revlon, Time Warner, Motorola, Dell, Netflix, Apple hamda eBay kabi yirik kompaniyalarda rahbarlik lavozimlarida ishlagan, ulushlarga ega bo‘lgan.
U o‘tgan yil dekabrida Trampning iqtisodiyot va biznesdagi me’yor hamda qoidalar bo‘yicha maxsus maslahatchisi lavozimiga tanlangandi.
Izoh (0)