Kataloniya politsiyasi Alkanar aholi punktida portlagan uy vayronalari ostidan halok bo‘lgan ikkinchi odamning jasadini topdi. Bu haqda huquqni muhofaza qilish organlari xabariga tayanib, “TASS” ma’lum qildi.
17-avgust, payshanba kuni kechasi Kataloniyaning Alkanar aholi punktida portlash yuz bergan. Avvalroq bir kishning halok bo‘lgani haqida xabar berilgan, yetti kishi jarohatlangan.
Guvohlarning fikricha, portlashning tashkilotchilari payshanba kuni Barselona va Kembrilsda uyushtirilgan hujumlarga aloqador bo‘lishi va shu kechada butan ballonlari yordamida portlash uyushtirishni rejalashtirgan bo‘lishi mumkin.
Portlash yuz bergan uy politsiyachilar tomonidan tekshirilgan vaqtda unda IShID tomonidan foydalaniladigan portlovchi moddalarning izi topilgan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)