SAUDIA aviakompaniyasi erkak yo‘lovchilarga shortik kiyishni, ayollarga esa badanga yopishib turuvchi kiyimlar kiyishni taqiqladi. Bu qoidaning buzilishi o‘zini noto‘g‘ri tutishga tenglashtiriladi. Tegishli qoidalar aviakompaniya saytida e’lon qilingan. Bu haqda “Kommersant” xabar berdi.
Aviakompaniya tomonidan qayd etilishicha, agar yo‘lovchilar boshqa yo‘lovchilarga noqulaylik tug‘diradigan holatda kiyingan bo‘lsa, bu yo‘lovchilarning o‘zini tutishi qo‘pol va tajovuzkor deb hisoblanadi. Tor kiyimlar bilan bog‘liq taqiqdan tashqari, ayollarga qo‘l va oyoqlari ochiq holda kiyinish ham taqiqlangan. Bundan tashqari samolyot bortida oyoqyalang yurish ham taqiqlanadi. SAUDIA tomonidan joriy etilgan qoidalar 15 banddan iborat
Ar-Riyod turizm departamentining sobiq rahbari Ali Gamdining aytishicha, bunday qoidalar Xalqaro fuqarolik aviatsiyasi tashkilotining shartlari hisoblanadi va dunyodagi aviakompaniyalarda qo‘llaniladi.
Izoh (0)