AQShning Kubadagi elchixonasi xodimlari “akustik hujum”ga uchradi

Kubaning Gavana shahrida qandaydir ovozli qurilma yordamida amalga oshirilgan “akustik hujum” oqibatida AQSh elchixonasining kamida ikki nafar xodimi jiddiy jabrlandi. Jabrlanganlarga eshitish qobiliyatining to‘liq yo‘qolishi xavf solayotgani sababli ular davolanish uchun AQShga qaytishga majbur bo‘lgan. Bu haqda CNN telekanaliga tayanib, “Vedomosti” xabar berdi.

Miya chayqalishining oqibatlariga o‘xshash simptomlar AQSh diplomatik missiyasi xodimlarida 2016-yilning oxiridan kuzatila boshlagan. Bunday simptomlarni his qilgan xodimlar bir vaqtda va bir joyda bo‘lmagan.

AQSh davlat departamenti tomonidan Gavanaga jo‘natilgan tibbiy xodimlar sodir bo‘layotgan hodisalarga aniqlik kirita olmagan. FQB holatni o‘rganishga jalb qilingan.