O‘tgan haftaning oxirida ish boshlagan Venesuela Konstitutsiyaviy assambleyasi (KA) mamlakatdagi hukumatning birorta tarmog‘i ular tomonidan qabul qilingan qarorlarga to‘sqinlik qila olmasligini ma’lum qildi. El Universal gazetasining ma’lum qilishicha, tegishli qaror 8-avgust, seshanba kuni bo‘lib o‘tgan yig‘ilishda tasdiqlangan, deb xabar berdi “TASS”.
Qarorning batafsil qismlari hozircha e’lon qilinmadi. Shuningdek, Konstitutsiyaviy assambleya haqiqat, adolat va tinchlik o‘rnatuvchi Komissiyani yaratish haqida qonun qabul qildi. “Ushbu qonun — zo‘rovonlik, nafrat va murosazilikni yo‘q qilishning kuchli vositasi”, — deya gazeta Konstitutsiyaviy assambleya raisi, sobiq tashqi ishlar vaziri Delsi Rodrigesning so‘zlaridan parcha keltiradi.
30-iyuldagi saylov natijalariga ko‘ra tashkil etilgan KA xalqaro hamjamiyat tomonidan norozilikka uchradi. Lotin Amerikasining bir qator mamlakatlari saylov jarayoni natijalarini tan olmadi. AQSH KA saylovlarini “butun yarimshardagi demokratiya uchun zarba” deya atadi va Venesuela prezidenti Nikolas Maduroga nisbatlan sanksiyalarni joriy etdi.
Izoh (0)