Olmaotadagi Azem aerodromi yaqinida ”Texnam 2002” havo kemasining halokatga uchashi oqibatida ikki kishi halok bo‘ldi. Bu haqda Qozog‘iston fuqarolik aviatsiyasi qo‘mitasiga tayanib, “Kazinform” xabar berdi.
“Dastlabki ma’lumotlarga ko‘ra, bugun soat 09:53 da o‘quv mashg‘ulotini o‘tkazish uchun havoga ko‘tarilgan “Texnam 2002” havo kemasi Azem aerodromidan 2 kilometr nariga borib qulagan. Ikki kishi halok bo‘lgan (uchunchi-instruktor hamda kursant)”, — deya ta’kidlanadi xabarda.
Harbiy kema fuqarolik aviatsiyasi Akademiyasiga tegishli. Azem aerodromi Olmaotadan 43 kilometr uzoqlikda joylashgan.
Ta’kidlanishicha, ayni vaqtda tergov departamenti noxush hodisa yuzasidan tekshiruv ishlarini boshlagan.
Izoh (0)