KXDR tashqi ishlar vaziri Li Yon Xo Manilada janubiy koreyalik hamkasbi Kan Gyon Xva bilan uchrashib, Seulning ikki mamlakat munosabatlarini yo‘lga qo‘yish bo‘yicha takliflarini rad etdi, deb yozadi “RIA Novosti”.
“Ryonxap” agentligi ma’lumotlariga ko‘ra, vazirlar uchrashuvi Janubi-Sharqiy Osiyo davlatlari assotsiatsiyasi (ASEAN)ning xavfsizlik bo‘yicha Sharqiy Osiyo sammiti va Mintaqaviy forumi doirasida bo‘lib o‘tdi.
“Janubiy tomonga samimiylik yetishmaydi”, — dedi Li Yon Xo. Shu tariqa u Kan Gyon Xvaning Janubiy Koreya prezidenti Mun Chje Inning tashabbuslariga ijobiy javob berishga da’vatini izohladi.
Nashr eslatishicha, avvalroq Janubiy Koreya yetakchisi Germaniyaga tashrifi chog‘ida “Berlin tashabbusi”ni ilgari surib, Janubiy Koreya va KXDR harbiy vakillari o‘rtasidagi muzokaralarni qayta boshlashni, shuningdek, Qizil Xoch jamiyati liniyasi bo‘yicha ayirboshlashni yangilashni taklif qilgan edi.
Izoh (0)