КХДР ташқи ишлар вазири Ли Ён Хо Манилада жанубий кореялик ҳамкасби Кан Гён Хва билан учрашиб, Сеулнинг икки мамлакат муносабатларини йўлга қўйиш бўйича таклифларини рад этди, деб ёзади «РИА Новости».
«Рёнхап» агентлиги маълумотларига кўра, вазирлар учрашуви Жануби-Шарқий Осиё давлатлари ассоциацияси (AСЕАН)нинг хавфсизлик бўйича Шарқий Осиё саммити ва Минтақавий форуми доирасида бўлиб ўтди.
«Жанубий томонга самимийлик етишмайди», — деди Ли Ён Хо. Шу тариқа у Кан Гён Хванинг Жанубий Корея президенти Мун Чже Иннинг ташаббусларига ижобий жавоб беришга даъватини изоҳлади.
Нашр эслатишича, аввалроқ Жанубий Корея етакчиси Германияга ташрифи чоғида «Берлин ташаббуси»ни илгари суриб, Жанубий Корея ва КХДР ҳарбий вакиллари ўртасидаги музокараларни қайта бошлашни, шунингдек, Қизил Хоч жамияти линияси бўйича айирбошлашни янгилашни таклиф қилган эди.
Изоҳ (0)