Rossiyaning sobiq matbuot vaziri Mixail Lesin baxtsiz hodisa tufayli halok bo‘lmagan, balki Vashingtondagi mehmonxonada o‘ldirilgan. Bu haqda AQSh razvedka va huquq-tartibot idoralaridagi manbalarga tayanib, BuzzFeed ma’lum qildi, deya xabar beradi “Gazeta.ru”.
Lesin Vashintonda AQSh adliya vazirligi xodimlari bilan uchrashuvdan avval o‘ldirilgani bildirilmoqda. FQBning ikki agenti va Amerika razvedkasi xodimiga ko‘ra, sobiq vazir “o‘lguncha kaltaklangan”.
Nashr AQSh adliya vazirligi xodimlari Mixail Lesinni RT telekanalidagi faoliyat haqida intervyuga taklif qilganini ta’kidlamoqda. U mazkur telekanalga asos solgandi.
Mixail Lesinning o‘limi bo‘yicha ish rasman yopilgan. Kolumbiya okrugi bo‘yicha AQSh federal prokurori Lesinning o‘limiga baxtsiz hodisa sabab bo‘lganini ma’lum qilgan.
Izoh (0)