Chempionlar xalqaro kubogining AQSh turnesida ishtirok etayotgan Turinning “Yuventus” hamda Kataloniyaning “Barselona” klublari bugun tongda o‘zaro maydonga tushdi.
Bellashuvning birinchi 45 daqiqaligida Neymar dubl qayd etgan bo‘lsa, ikkinchisida italiyalik futbolchilar hisobni 1 taga qisqartirishga muvaffaq bo‘ldi.
Mazkur jamoalar Chempionlar ligasining chorak finalida ham to‘qnash kelgan bo‘lib, ikki o‘yin natijasiga ko‘ra “Yuventus” 3:0 hisobida zafar quchgandi. Turinda shu hisob qayd etilgan bo‘lsa, “Kamp Nou”da golsiz durang bo‘lgan.
“Yuventus” darvozasiga 2 ta to‘p kiritgan braziliyalik Neymar ayni vaqtda “PSJ” rejalariga mustahkam kirib olgan. “Barselona” o‘z hujumchisini qo‘yib yubormasligini bilgan “PSJ”, biryo‘la Neymarning ko‘tarma puli hisoblangan 222 million yevroni to‘lashga rozi. Agar Neymar shartnomaga imzo cheksa, shunchaki suyunchi uchun 50 million oladi. Futbolchining otasi o‘g‘lini yangi shartnomaga ko‘ndirsa, suyunchisi uchun 40 million va’da qilingan.
AQShda bo‘lib turgan “Barselona”ning yetakchi futbolchilaridan Messi, Buskets, Suares va Pike Neymarning fikrini o‘zgartirishga harakat qilmoqda.
Chempionlar xalqaro kubogi Nyu-Jersi, AQSh 23-iyul, yakshanba
Izoh (0)