Чемпионлар халқаро кубогининг АҚШ турнесида иштирок этаётган Туриннинг «Ювентус» ҳамда Каталониянинг «Барселона» клублари бугун тонгда ўзаро майдонга тушди.
Беллашувнинг биринчи 45 дақиқалигида Неймар дубл қайд этган бўлса, иккинчисида италиялик футболчилар ҳисобни 1 тага қисқартиришга муваффақ бўлди.
Мазкур жамоалар Чемпионлар лигасининг чорак финалида ҳам тўқнаш келган бўлиб, икки ўйин натижасига кўра «Ювентус» 3:0 ҳисобида зафар қучганди. Туринда шу ҳисоб қайд этилган бўлса, «Камп Ноу»да голсиз дуранг бўлган.
«Ювентус» дарвозасига 2 та тўп киритган бразилиялик Неймар айни вақтда «ПСЖ» режаларига мустаҳкам кириб олган. «Барселона» ўз ҳужумчисини қўйиб юбормаслигини билган «ПСЖ», бирйўла Неймарнинг кўтарма пули ҳисобланган 222 миллион еврони тўлашга рози. Агар Неймар шартномага имзо чекса, шунчаки суюнчи учун 50 миллион олади. Футболчининг отаси ўғлини янги шартномага кўндирса, суюнчиси учун 40 миллион ваъда қилинган.
АҚШда бўлиб турган «Барселона»нинг етакчи футболчиларидан Месси, Бускетс, Суарес ва Пике Неймарнинг фикрини ўзгартиришга ҳаракат қилмоқда.
Чемпионлар халқаро кубоги Нью-Жерси, АҚШ 23 июль, якшанба
Изоҳ (0)