Руминиянинг Беиле-Тушнад шаҳрида чиқиш қилган Венгрия бош вазири Виктор Орбан мусулмон дунёсидан Европага миллионлаб муҳожирларни олиб келиб, уларни Евроиттифоқ мамлакатлари бўйлаб тақсимлашга доир «Сорос режаси мавжуд»лиги ҳақида гапирди.
«Агар Европа Иттифоқи яна суверенитетга эга бўла олса ва ҳар бир аъзо мамлакат ўз чегараларини ўзи ҳимоя қилиш имконига эга бўлса, биз бу жараёнга қаршилик кўрсатишимиз мумкин», — дея Орбаннинг сўзларидан иқтибос келтирмоқда «Коммерсантъ».
«Шундагина биз миграция жараёнини тўхтатиб, ноқонуний равишда кириб келганларнинг барини ҳайдаб солишга муваффақ бўламиз. Балки ким учундир бу жуда қаҳрлидек эшитилар, бироқ, менимча, муаммони бошқа йўл билан ҳал қилиб бўлмайди», — дея қайд этди Венгрия бош вазири.
2016 йили Виктор Орбан мамлакат конституциясига миллий миграция қонунчилигини янада қатъийлаштирувчи ўзгартишларни киритишга ваъда берган эди.
Изоҳ (0)