Misr shimolidagi Matruh viloyatida, O‘rtayer dengizi sohillarida Yaqin Sharq va Afrikadagi eng yirik harbiy baza ochilishi bo‘lib o‘tdi.
“Kommersant” xabariga ko‘ra, ochilish marosimiga Misr prezidenti Abdulfattoh as-Sisiy rahbarlik qilgan.
Qayd etishlaricha, harbiy bazaga Misrning birinchi prezidenti Muhammad Najib nomi berilgan.
Misr mudofaa vazirligi ma’lumotlariga ko‘ra, harbiy bazadan ko‘zlangan asosiy maqsad — mamlakatning kattaligi bo‘yicha ikkinchi shahri hisoblangan Iskandariya hududi muhofazasini kuchaytirishdir.
Jumladan, mazkur baza yirik neft konlari, dengiz portini qo‘riqlaydi. Bundan tashqari, Misrda qurilajak ilk atom elektrstansiyasi mudofaasi ham shu bazaga ishonib topshiriladi.
Izoh (0)