Филиппин парламенти мамлакат жанубидаги ҳарбий ҳолат 31 декабрга қадар узайтирилишини маъқуллади. Бу ҳақда «Коммерсантъ» хабар бермоқда.
Парламент палаталарининг 22 июль куни бўлиб ўтган қўшма мажлисида депутатларнинг 261 нафари ҳарбий ҳолатнинг узайтирилишин маъқуллади, 18 нафари бунга қарши чиқди.
2017 йилнинг май ойида Филиппин жанубидаги Минданао оролида ҳукумат кучлари ва диний ақидапарастлар ўртасида тўқнашувлар бошланган эди.
Ўша вақтда Москвада бўлган Филиппин президенти Родриго Дутерте Россияга ташрифини тўхтатиб, шошилинч юртига қайтишга мажбур бўлган эди.
«Коммерсантъ»нинг қайд этишича, Дутерте ҳали Москвадалик чоғидаёқ Филиппин жанубида ҳарбий ҳолат тартибини жорий этиш ҳақида кўрсатма берган эди.
Изоҳ (0)