Moskvaning Stariy Arbat ko‘chasida o‘tkinchi ayol Rossiya prezidenti Vladimir Putinning yuzidan o‘pib oldi, deb yozadi “Gazeta.ru”.
Voqea prezident Moskvadagi Xelsinki guruhi rahbari Lyudmila Alekseyeva bilan uchrashib, ko‘chaga chiqqach, yuz berdi.
U Arbat bo‘ylab sayr qilib yurgan sayyohlardan: “Xo‘sh, mamnunmisizlar?” — deb so‘radi. Ular ijobiy javob berdi. Shundan keyin prezident Rossiya poytaxtidagi ob-havo borasida ularning omadi chopganini aytdi.
Bundan tashqari, u chet ellik sayyohlar bilan ingliz tilida salomlashdi.
Ta’kidlanishicha, suhbat so‘ngida u ayollardan birini quchgan, u esa prezidentning yonog‘idan bo‘sa olgan.
Izoh (0)