Москванинг Старий Арбат кўчасида ўткинчи аёл Россия президенти Владимир Путиннинг юзидан ўпиб олди, деб ёзади «Газета.ru».
Воқеа президент Москвадаги Хельсинки гуруҳи раҳбари Людмила Алексеева билан учрашиб, кўчага чиққач, юз берди.
У Арбат бўйлаб сайр қилиб юрган сайёҳлардан: «Хўш, мамнунмисизлар?» — деб сўради. Улар ижобий жавоб берди. Шундан кейин президент Россия пойтахтидаги об-ҳаво борасида уларнинг омади чопганини айтди.
Бундан ташқари, у чет эллик сайёҳлар билан инглиз тилида саломлашди.
Таъкидланишича, суҳбат сўнгида у аёллардан бирини қучган, у эса президентнинг ёноғидан бўса олган.
Изоҳ (0)