Eron Yaman tufayli Saudiya Arabistoni bilan kelishmovchilik yuzaga kelmasligiga umid qilmoqda

Eron tashqi ishlar vaziri Muhammad Javad Zarif Yamandagi nizo Eron va Saudiya Arabistoni o‘rtasida bevosita adovatni keltirib chiqarmasligiga umid bildirdi, deb yozadi “Gazeta.ru”.

U, shuningdek, Arab yarim orolidagi fuqarolar urushidan “hech kim foyda ko‘rmayotgani”ga umid qilmoqda.

“Biz, albatta, umid qilamizki, agar biz Yamandagi vaziyat yoki Suriyadagi vaziyat bo‘yicha bir-birimiz bilan kelisha olmasak ham, bu vaziyatlarga nuqta qo‘yish uchun bir-birimiz bilan ishlay olamiz”, — dedi Zarif Nyu-Yorkka tashrifi chog‘ida.

Nashr ta’kidlashicha, Eron va Fors ko‘rfazi mamlakatlari Suriya va Yamandagi urushlarda qarama-qarshi tomonlarni qo‘llab-quvvatlamoqda.