Amerika harbiy-dengiz floti Fors ko‘rfazida lazerli qurolni sinovdan o‘tkazdi. Bu haqda CNN telekompaniyasi xabar berdi, deb yozadi “Gazeta.ru”.
Yangi turdagi qurol — LaWS yoki Laser Weapons System USS Ponce amfibiya kemasi bortida kapitan Kristofer Uells qo‘mondonligi ostida sinaldi. Uning so‘zlariga ko‘ra, lazerli qurol “o‘qdan ko‘ra aniqroq” ishlaydi. Komandir uni “ko‘plab nishonlarga qarshi qo‘llash mumkin bo‘lgan universal qurol” deb atadi.
Sinov uchun uchuvchisiz uchar qurilmadan foydalanildi. Dronning lazer nuri tushirilgan qanoti zudlik bilan chaqnab ketib, ming daraja haroratgacha qizidi va qurilma vayron bo‘lib, so‘ng dengizga quladi.
Shu bilan birga, hujumning o‘zini oddiy ko‘z bilan ko‘rib bo‘lmaydi. Ofitser Keyl Xyuz aniqlik kiritishicha, nur spektrning ko‘rinmas qismida ishlaydi.
Tizim narxi 40 million dollarga baholanmoqda, bir marta o‘q otish esa bir dollarga tushadi. Elektr tokini o‘zining kichik generatori ishlab chiqaradi, qurilmaga uch kishilik jangovar guruh xizmat ko‘rsatadi.
Izoh (0)