Prezident Donald Trampga tegishli golf klyushkalari AQShda 29,7 ming dollarga sotildi. Bu haqda savdoni tashkil etgan RR Auction auksion uyi vakillari ma’lum qildi, deya xabar beradi “TASS”.
Klyushkalarning yangi egasi o‘zini oshkor etmaslikni ma’qul ko‘rdi. Auksion uyi qo‘lga kiritilgan summadan qoniqish hosil qilganini bildirdi. Biroq sotilgan sport inventarining minimal baholangan qiymati 30 ming dollarni tashkil etishini hisobga olsa, tashkilotchilar ko‘proq mablag‘ga ko‘z tikkanini taxmin qilish mumkin.
Gap TaylorMade kompaniyasi tomonidan ishlab chiqarilgan 10 dan ortiq klyushkadan iborat to‘plam haqida ketmoqda. Tramp ulardan 10 yil avval Bedminsterdagi o‘ziga tegishli golf-klubda foydalangan. Kompaniya ularni shaxsan biznesmen uchun tayyorlagan bo‘lib, har birida uning ismi-sharifi bitilgan.
Izoh (0)