Президент Дональд Трампга тегишли гольф клюшкалари АҚШда 29,7 минг долларга сотилди. Бу ҳақда савдони ташкил этган RR Auction аукцион уйи вакиллари маълум қилди, дея хабар беради «ТАСС».
Клюшкаларнинг янги эгаси ўзини ошкор этмасликни маъқул кўрди. Аукцион уйи қўлга киритилган суммадан қониқиш ҳосил қилганини билдирди. Бироқ сотилган спорт инвентарининг минимал баҳоланган қиймати 30 минг долларни ташкил этишини ҳисобга олса, ташкилотчилар кўпроқ маблағга кўз тикканини тахмин қилиш мумкин.
Гап TaylorMade компанияси томонидан ишлаб чиқарилган 10 дан ортиқ клюшкадан иборат тўплам ҳақида кетмоқда. Трамп улардан 10 йил аввал Бедминстердаги ўзига тегишли гольф-клубда фойдаланган. Компания уларни шахсан бизнесмен учун тайёрлаган бўлиб, ҳар бирида унинг исми-шарифи битилган.
Изоҳ (0)