Hindistonlik o‘smirning dunyodagi eng uzun tishi olib tashlandi

Hindistonda 18 yoshli o‘smirning uzunligi 3,67 santimetr bo‘lgan so‘yloq tishi olib tashlandi. Bu haqda The Mirror xabar bermoqda.

Operatsiyani o‘tkazgan tish shifokoriga ko‘ra, o‘smirning tishi lunji tomonga qarab o‘sgan. Mahalliy anestiziya ostida o‘tkazilgan amaliyot 30 daqiqa davom etdi.

Hindistonlikning tishi Ginnesning rekordlar kitobiga kiritilganidan 5 millimetrga uzunroq bo‘lib chiqdi va yangi rekord sifatida qayd etildi. Inson tishining o‘rtacha uzunligi 20 millimetrdan iborat.

Izoh(0) Biz Telegram’da

Ulashing: