Braziliyalik sudya Serjiu Moro mamlakatning sobiq prezidenti Luis Inasiu Lulu da Silvani korrupsiya va mablag‘lardan noqonuniy foydalanishda ayblab, 9,5 yil qamoq jazosiga hukm qildi. Bu haqda “TASS” xabar bermoqda.
Gap Braziliya tarixidagi sobiq davlat rahbari korrupsiya uchun qamoq jazosiga hukm qilingan ilk holat haqida ketmoqda.
Mazkur hukm Lulu da Silva yaqin orada hibsga olinishini anglatmaydi. Mahalliy qonunchilikka ko‘ra, u apellyatsiya berilgan taqdirda, ayblov hukmi ikkinchi instansiya sudi tomonidan tasdiqlanmaguncha ozodlikda qolishi mumkin. Apellyatsiyaning ko‘rib chiqilishi esa bir necha oyga cho‘ziladi.
Sobiq prezidentning advokatlari hukm ustidan shikoyat qilish niyatida. Lulu da Silvaning o‘zi aybini tan olmadi va unga nisbatan qo‘zg‘algan barcha jinoiy ishlarni “siyosiy ta’qib”, deb atadi.
Izoh (0)