Бразилиялик судья Сержиу Моро мамлакатнинг собиқ президенти Луис Инасиу Лулу да Силвани коррупция ва маблағлардан ноқонуний фойдаланишда айблаб, 9,5 йил қамоқ жазосига ҳукм қилди. Бу ҳақда «ТАСС» хабар бермоқда.
Гап Бразилия тарихидаги собиқ давлат раҳбари коррупция учун қамоқ жазосига ҳукм қилинган илк ҳолат ҳақида кетмоқда.
Мазкур ҳукм Лулу да Силва яқин орада ҳибсга олинишини англатмайди. Маҳаллий қонунчиликка кўра, у апелляция берилган тақдирда, айблов ҳукми иккинчи инстанция суди томонидан тасдиқланмагунча озодликда қолиши мумкин. Апелляциянинг кўриб чиқилиши эса бир неча ойга чўзилади.
Собиқ президентнинг адвокатлари ҳукм устидан шикоят қилиш ниятида. Лулу да Силванинг ўзи айбини тан олмади ва унга нисбатан қўзғалган барча жиноий ишларни «сиёсий таъқиб», деб атади.
Изоҳ (0)