Sud davlatga xiyonatda ayblanayotgan Viktor Yanukovich ishini ko‘rib chiqish bo‘yicha tanaffus e’lon qildi. Keyingi sud yig‘ilishi 3-avgust soat 10:00 da boshlanadi. Bu haqda Kiyevning Obolon tuman sudi qaror qildi, deb xabar berdi “Korrespondent.net”.
Sudning bugungi yig‘ilishi atiga bir necha daqiqa bo‘lib o‘tdi. Sud boshlangach sobiq prezidentning yangi tayinlangan advokati Vitaliy Meshechek mijozining ishi bilan tanishib chiqish uchun vaqt so‘radi. Sud uning rasmiy iltimosini qondirdi.
Avvalroq, Yanukovich davlat xiyonatiga bog‘liq sud jarayonida boshqa ishtirok etish niyatida emasligini ma’lum qilgandi. Uning taxminicha, Obolon tuman sudi qarorni oldindan qabul qilib bo‘lgan va uni umrbod ozodlikdan mahrum qilish bo‘yicha qaror chiqaradi.
Izoh (0)