Belarus Respublikasi prezidenti Aleksandr Lukashenko “Kupalye” (“Aleksandriya do‘stlarini to‘plamoqda” nomi bilan mashhur) bayramiga tashrif buyurdi. Konsertda mamlakat rahbarining yonidan 21 yoshli fotomodel Kristina Nevero joy oldi, deb xabar berdi “Nasha Niva”.
Marosim 8-iyul kuni bo‘lib o‘tdi. Belarus prezidentining saytiga joylashtirilgan suratlardan ko‘rish mumkinki, uning chap tomonida Kristina Nevero o‘tirgan.
Nashrning ta’kidlashicha, bu qiz avvallari mamlakat rahbari bilan birga jamoatga ko‘rinish bermagan. Ma’lumotlarga ko‘ra, Nevero — bo‘lajak iqtisodchi, joriy yilda Vitebsk davlat texnologiya universiteti diplomini olgan, shuningdek, prezident kechasida ham ishtirok etgan. Raqs bilan shug‘ullanadi, 2016-yilda “Bahor malikasi” go‘zallik tanlovida g‘oliblikni qo‘lga kiritgan.
“U Aleksandiyada prezidentni non va tuz bilan birga kutib oldi. Tanlov qanday ketayotganidan xabarim yo‘q”, — deydi qizning otasi.
Shuningdek, Nevero Belarus Respublikasi yoshlar ittifoqining faoli hisoblanadi. Mamlakatdagi ushbu yirik tashkilot hukumat, jumladan, shaxsan prezident tomonidan qo‘llab-quvvatlanadi.
Ma’lumot uchun: Lukashenko 1975-yilda o‘qituvchi Galina Jelnerovichga uylangan. Ular birgalikda yashamaydi, biroq rasman ajrashmagan. Jelnerovichning Lukashenkodan ikkita — Viktor va Dmitriy ismli farzandlari bor, prezidentning kichkina o‘g‘li — Kolya nikohsiz tug‘ilgan. Uning onasi kim ekanligi ma’lum emas.
Izoh (0)