Floridadagi plyajda dam olayotgan o‘nlab odamlar cho‘kayotgan oilani qutqarish uchun tirik zanjir hosil qilishdi. Bo‘lib o‘tgan voqea videosi Inside Editon’ning YouTube’dagi kanaliga joylashtirildi.
Rolik ostiga yozilgan izohlarga ko‘ra, hodisa 8-iyul, shanba kuni Panama-Siti shahri hududida sodir bo‘lgan. Qirg‘oqda cho‘milayotgan ikki nafar bolani kuchli oqim oqizib keta boshlagan. Ularning onasi hamda buvisi yordamga oshiqqan, biroq ular ham suvning kuchli oqimini yenga olmagan.
Natijada 80 nafar odam bir-birining qo‘lidan ushlab plyajdan to dengizgacha bo‘lgan zanjir hosil qilgan. Ular shu orqali cho‘kayotgan odamlarni quruqlikka chiqarib olishga muvaffaq bo‘lgan.
WJHG telekanalining ma’lum qilishicha, Robert Urseri, uning onasi hamda 8 va 11 yoshli farzandlarini qutqarish operatsiyasi bir soatdan ortiqroq davom etgan. Bolakaylarning buvisi bo‘lib o‘tgan voqea yurakdan xurujiga uchragan va shifoxonaga yetkazilgan. Oilaning qolgan a’zolariga zarar yetmagan.
Izoh (0)