Qo‘qon shahar IIBga 2017-yil 5-iyulda Qo‘qon shahrida yashovchi Sh.R. ariza bilan murojaat qilgan. Arizaga ko‘ra, shu kuni soat 12:00 da, fuqaro Qo‘qon shahar Furqat ko‘chasida yo‘l chetida turgan vaqtida, noma’lum shaxslar uning qo‘lida bo‘lgan va sellofan paketga solingan 1 600 000 so‘m pulini qo‘lidan tortib olib, voqea joyidan yashiringan. Bu haqda Farg‘ona viloyati IIB ma’lum qildi.
Qo‘qon shahar IIB va viloyat IIB Post-patrul xizmati xodimlarining hamkorlikda olib borgan tezkor surishtiruv ishlari natijasida ushbu jinoyatni Toshkent shahar Uchtepa tumanida yashovchi T.A. va Toshkent shahar Chilonzor tumanida yashovchi B.D. sodir etgani aniqlangan va ular qo‘lga olingan.
Holat yuzasidan Qo‘qon shahar IIB Tergov bo‘limi tomonidan B.D. va T.A.ga nisbatan O‘zbekiston Respublikasi Jinoyat Kodeksining 166-moddasi 2-qismi bilan jinoyat ishi qo‘zg‘atilib, tergov harakatlari olib borilmoqda.
Izoh (0)