2017-yilning 8-iyul kuni Toshkent shahri hududida 8 ta yo‘l-transport hodisasi qayd etilgan. Mazkur yo‘l-transport hodisasida 8 kishi tan jarohati olgan, 2 nafar shaxs vafot etgan, deb xabar berdi Toshkent shahar IIBB matbuot xizmati.
2017-yilning 8-iyul kuni YPX inspektorlari tomonidan jami 2081 ta huquqbuzarliklar bo‘yicha ma’muriy bayonnomalar rasmiylashtirilgan bo‘lib, shulardan, 695 tasini qo‘pol turdagi, 23 tasini mast holda transport vositasini boshqarish tashkil etgan.
Toshkent shahar IIBB YHXB kompyuterlashtirilgan boshqaruv tizimi tomonidan 2017-yil 8-iyul kuni jami 939 ta huquqbuzarliklar qayd etilgan bo‘lib, shulardan 378 tasini svetoforning taqiqlovchi chirog‘iga bo‘ysinmasdan harakatlanish, 561 tasini belgilangan me’yordan yuqori tezlikda harakatlanish tashkil etadi.
Izoh (0)