O‘zbekiston Respublikasi Prezidenti Shavkat Mirziyoyev Xaltmaagiyn Battulgani Mo‘g‘uliston prezidenti etib saylangani bilan tabrikladi, deb xabar beradi Tashqi ishlar vazirligi matbuot xizmati.
“Sizning saylovdagi ishonchli g‘alabangiz Mo‘g‘uliston xalqining siz kabi katta tajirbaga ega hamda o‘z xalqi va mamlakat manfaatlari uchun xizmat qiladigan nufuzli siyosatchiga bo‘lgan ishonch va hurmatini tasdiqladi”, — deyiladi mamlakat rahbarining nomasida.
Ta’kidlanishicha, O‘zbekiston Mo‘g‘ulistonni ko‘p asrlik tarix va noyob madaniyatga, muhim tabiiy, iqtisodiy va transport-kommunikatsion salohiyatga ega mamlakat deya hisoblaydi.
“O‘zbekiston hamda Mo‘g‘ulistonning tomonlarni qiziqtiradigan barcha yo‘nalishlarda o‘zaro manfaatli hamkorlikni yanada rivojlantirishda barcha imkoniyatlar mavjud”, — deyiladi maktubda.
Izoh (0)