Mashhur musavvir, Rossiya tasviriy san’at, haykaltaroshlik va me’morlik akademiyasi asoschisi hamda rektori Ilya Glazunov 88 yoshida Moskvada vafot etdi. Bu haqda ijodkorning turmush o‘rtog‘i Inessa Orlova ma’lum qildi, deb xabar beradi “TASS”.
Ilya Glazunov 1930-yilda Leningradda dunyoga kelgandi. U o‘tgan asrning 50-yillari oxiridan boshlab eng mashhur sovet va rus rassomlari safidan o‘rin oldi.
Glazunovning Manejda 80—90-yillarda namoyish etilgan keng ko‘lamli rasmlari katta shov-shuvlarga sabab bo‘lgandi.
Musavvir ko‘plab orden va medallar, shuningdek, Kreml binolarini tiklash va ta’mirlashda bevosita ishtirok etgani uchun Rossiya davlat mukofoti bilan taqdirlangandi.
Izoh (0)