CNN telekompaniyasi montaj qilingan videoni e’lon qilgan AQSh prezidenti Donald Trampning tvitiga izoh berdi. Unda Oq uy xo‘jayini bosh o‘rnida telekanal logotipi joylashtirilgan kishini shaxsan kaltaklayotgani aks etgan, deya xabar beradi “MK.ru”.
Telekompaniyaning Twitter’dagi sahifasida Oq uy matbuot kotibi o‘rinbosari Sara Sandersning “Prezident zo‘ravonlikni targ‘ib etmaydi va buni urfga kirishiga urinmaydi” degan iqtibosi keltirilgan. Shuningdek, jurnalistlar davlat rahbariga vaqtini mayda-chuyda mashg‘ulotlarga sarflamay, bevosita lavozimi doirasidagi vazifalar bilan shug‘ullanishi zarurligiga shama qildi.
“Xorijiy safar, Vladimir Putin bilan ilk uchrashuv, Shimoliy Koreya bilan munosabatlarni yo‘lga qo‘yish va sog‘liqni saqlash bo‘yicha qonun loyihasi ustida ishlash o‘rniga u o‘smirlarga xos qiliqlarni namoyish etmoqda”, —deyiladi CNN matbuot xizmati bayoyonotida.
Izoh (0)