Janubiy Koreyada BMT qo‘mondonligi saqlanib qolishini oqlash uchun hech qanday asos yo‘q. Bu haqda KXDR tinchlik himoyasi qo‘mitasi vakili ma’lum qildi, deya xabar beradi “TASS”.
“Nodon sinmun” gazetasida chop etilgan bayonotga ko‘ra, Vashington tomonidan uch yillik Koreya urushi davrida tashkil etilgan mazkur harbiy tizim Koreya yarim orolida 1957-yil iyulidan beri faoliyat ko‘rsatib kelmoqda.
Hozirda esa Qo‘shma Shtatlar BMT qo‘mondonligini NATOning Osiyodagi ko‘rinishini yaratish, KXDRni kuch yordamida mahv etish uchun yarim orolda qurolli mojaro avj olishiga olib keladigan ko‘p millatli kuchlar qo‘mondonligiga aylantirishga urinmoqda.
Shu munosabat bilan Pxenyan AQShdan “noqonuniy tuzilgan mazkur harbiy mexanizmni zudlik bilan tarqatib yuborish va Janubiy Koreyadan barcha tajovuzkor kuchlar hamda qurol-aslahalarni olib chiqish”ni talab qildi.
Izoh (0)