CNN телекомпанияси монтаж қилинган видеони эълон қилган АҚШ президенти Дональд Трампнинг твитига изоҳ берди. Унда Оқ уй хўжайини бош ўрнида телеканал логотипи жойлаштирилган кишини шахсан калтаклаётгани акс этган, дея хабар беради «MK.ru».
Телекомпаниянинг Twitter’даги саҳифасида Оқ уй матбуот котиби ўринбосари Сара Сандерснинг «Президент зўравонликни тарғиб этмайди ва буни урфга киришига уринмайди» деган иқтибоси келтирилган. Шунингдек, журналистлар давлат раҳбарига вақтини майда-чуйда машғулотларга сарфламай, бевосита лавозими доирасидаги вазифалар билан шуғулланиши зарурлигига шама қилди.
«Хорижий сафар, Владимир Путин билан илк учрашув, Шимолий Корея билан муносабатларни йўлга қўйиш ва соғлиқни сақлаш бўйича қонун лойиҳаси устида ишлаш ўрнига у ўсмирларга хос қилиқларни намойиш этмоқда», —дейилади CNN матбуот хизмати баёёнотида.
Изоҳ (0)