Avvalroq, Toshkent Janubiy vokzalining tubdan ta’mirlanishi hamda tuzilishiga taalluqli ma’lumotlar bo‘yicha xabar bergan edik. “Daryo” muxbiri hududda bo‘lib, vokzalning tashqi ko‘rinishidan fotolavhalar tayyorladi.
Bugungi kunda jarayon jadal sur’atlarda davom etayotgan bo‘lib, hozirgacha ko‘cha tarafdagi kichik favvora hamda yo‘laklar qisman tayyor holga keltirilganini ko‘rish mumkin.
Qayta qurish ishlari uchun taxminan, 25 milliard so‘m sarflanishi rejalashtirilgan. Unda 250 kishi, shundan – 5 prorab, 7 – yetakchi muhandis texnologlar, 238 – turli ixtisoslikdagi quruvchilar hamda 100 dona texnika vositalari ishtirok etmoqda.
Ochilishdan so‘ng yangilangan vokzalning o‘tkazish qobiliyati o‘rtacha 11000 yo‘lovchini tashkil qiladi. Bu esa o‘z navbatida Markaziy “Toshkent” vokzalining bandligini 40 foizgacha kamaytiradi.
Izoh (0)