Аввалроқ, Тошкент Жанубий вокзалининг тубдан таъмирланиши ҳамда тузилишига тааллуқли маълумотлар бўйича хабар берган эдик. «Дарё» мухбири ҳудудда бўлиб, вокзалнинг ташқи кўринишидан фотолавҳалар тайёрлади.
Бугунги кунда жараён жадал суръатларда давом этаётган бўлиб, ҳозиргача кўча тарафдаги кичик фаввора ҳамда йўлаклар қисман тайёр ҳолга келтирилганини кўриш мумкин.
Қайта қуриш ишлари учун тахминан, 25 миллиард сўм сарфланиши режалаштирилган. Унда 250 киши, шундан – 5 прораб, 7 – етакчи муҳандис технологлар, 238 – турли ихтисосликдаги қурувчилар ҳамда 100 дона техника воситалари иштирок этмоқда.
Очилишдан сўнг янгиланган вокзалнинг ўтказиш қобилияти ўртача 11000 йўловчини ташкил қилади. Бу эса ўз навбатида Марказий «Тошкент» вокзалининг бандлигини 40 фоизгача камайтиради.
Изоҳ (0)