Termiz hayvonot bog‘ida yangilik — Amur yo‘lbarslari uchtaga ko‘paydi. Bu haqda O‘zMTRKning “Yoshlar” telekanali xabar berdi.
16-may kuni dunyoga kelgan yo‘lbarschalarga hali laqab qo‘yilmagan, ulardan faqat biriga “Yoshlar” telekanali xodimlari Yasmin deb nom bergan.
Mitti yo‘lbarschalarga Termiz hayvonot bog‘i xodimi Dilbar Yo‘ldosheva g‘amxo‘rlik qiladi. “Bolakaylar”ning onasi — Ter ham aynan Dilbar Yo‘ldoshevaning “qo‘lida voyaga yetgan”.
Xabar berishlaricha, Terning egizagi — Miz laqabli yo‘lbars hozirgi vaqtda vaqtincha boshqa hayvonot bog‘ida saqlanmoqda.
Qayd etishlaricha, 2017-yilda Termiz hayvonot bog‘ida yo‘lbarslardan tashqari sher, ayiq, kiyiklar ham bolalagan. Hozirda Termiz hayvonot bog‘ida katta ta’mirlash ishlari olib borilmoqda.
Izoh (0)