Facebook ikkinchi urinishda o‘zining Aquila nomli uchuvchisiz uchish qurilmasining sinovini muvaffaqiyatli o‘tkazdi. Bu haqda Facebook bosh direktori Mark Sukerberg o‘zining sahifasida ma’lum qildi, deb xabar berdi “Kommersant”.
Ushuvchisiz uchish qurilmasi quyosh energiyasi yordamida ishlaydi va Facebook’ning fikricha, u internet yetib bormagan joylarga uni yetkazish vazifasini bajaradi.
Uchuvchisiz samolyot o‘tgan yilning iyunida o‘zining birinchi to‘laqonli parvozini AQShning Yuma shahrida amalga oshirgan edi, biroq u parvozning 96-daqiqasida qo‘nishni amalga oshirayotib halokatga uchragan. Aniqlanishicha, samolyot ob-havoning yomonligi sabab qulab tushgan. Ikkinchi safar ushbu turdagi qurilma havoda 1 soat 46 daqiqa parvoz qildi va qo‘nishni muvaffaqiyatli bajardi.
Facebook vakillari birinchi parvozdagi xatolarni hisobga olganliklarini va uchuvchisiz uchish qurilmasini mukammalshtirganliklarini ma’lum qildi. Endilikda qurilma qarshilikka bardoshli va qo‘nishni amalga oshirishda balandlikni kamaytiradigan yangi qanotlar, shuningdek, silliq yuza hamda qurilmani to‘xtatishda xizmat qiladigan gorizontal parrak bilan jihozlangan.
Izoh (0)