Kaliforniyada yengil motorli samolyot qulashi oqibatida ikki kishi jabrlandi. “RBK” xabariga ko‘ra, samolyot Los-Anjeles yaqinidagi trassaga qulagan.
Hodisa ikki motorli Cessna 310 samolyoti Joy Ueyn aeroportidan havoga ko‘tarilganidan ko‘p o‘tmay yuz bergan. Samolyot bortida bir erkak va bir ayol bo‘lgan.
Parvoz vaqtida uchuvchi nosozlikni aniqlab, uchish-qo‘nish yo‘lakchasiga qaytishga uringan, biroq buning uddasidan chiqa olmagan. ABC telekanali hodisa joyidan olingan fotosuratni e’lon qilgan.
Samolyot qulagan vaqtda trassada avtomobillar harakatlanib turgan edi. Cessna 310 o‘z qanoti bilan avtomobillardan birini turtib yuborgan, shundan so‘ng transport vositasi haydovchisini boshqaruvni yo‘qotgan.
Yana to‘rt avtomobil yo‘lga tushgan samolyot bo‘laklariga urilish oqibatida zararlangan. ABC muxbiri zarar ko‘rgan avtomobillardan birining suratini e’lon qildi.
https://twitter.com/abc7greg/status/880880613191933954
Izoh (0)