АҚШда енгил моторли самолёт шоссега қулади

Калифорнияда енгил моторли самолёт қулаши оқибатида икки киши жабрланди. «РБК» хабарига кўра, самолёт Лос-Анжелес яқинидаги трассага қулаган.

Ҳодиса икки моторли Cessna 310 самолёти Жой Уэйн аэропортидан ҳавога кўтарилганидан кўп ўтмай юз берган. Самолёт бортида бир эркак ва бир аёл бўлган.

Парвоз вақтида учувчи носозликни аниқлаб, учиш-қўниш йўлакчасига қайтишга уринган, бироқ бунинг уддасидан чиқа олмаган. ABC телеканали ҳодиса жойидан олинган фотосуратни эълон қилган.

Самолёт қулаган вақтда трассада автомобиллар ҳаракатланиб турган эди. Cessna 310 ўз қаноти билан автомобиллардан бирини туртиб юборган, шундан сўнг транспорт воситаси ҳайдовчисини бошқарувни йўқотган.

Яна тўрт автомобиль йўлга тушган самолёт бўлакларига урилиш оқибатида зарарланган. ABC мухбири зарар кўрган автомобиллардан бирининг суратини эълон қилди.

https://twitter.com/abc7greg/status/880880613191933954