So‘nggi 12 oy davomida o‘ta boy odamlar, ya’ni boyligi 30 million dollardan ortiq bo‘lgan insonlar 3,5 foizga ortib, ularning soni 226 450 nafarga yetdi. Bu haqda Wealth-X kompaniyasining e’lon qilingan hisobotida ma’lum qilindi, deb xabar berdi Insider Pro.
Siyosiy va bozor noaniqligiga qaramay o‘ta boylarning o‘sishi Shimoliy Amerika (dollarning, fond bozori va kuchli texnologik sektorning ko‘tarilishi) va Osiyoda (mintaqadagi barqaror iqtisodiy o‘sish evaziga) qayd etildi.
Lotin Amerikasi va Karib hovuzlari mamlakatlarida esa aksincha o‘ta boy aholining pasayishi kuzatilgan. Salbiy pasayish Buyuk Britaniya, Rossiya, Meksika va Braziliyada yaqqol ko‘zga tashlandi.
O‘ta boylarning mablag‘i 1,5 foizga ko‘tarilib, 27 trillion dollardan ortib ketdi. Biroq o‘rtacha shaxsiy jamg‘arma 2013-yildan beri birinchi bor pasaydi. 2021-yilga borib yana 72 550 nafar o‘ta boylar paydo bo‘lishi kutilmoqda.
Boyligi 30 million dollardan ortgan odamlar sayyoradagi aholining 0,003 foizini tashkil etadi. Ulardan 2397 nafari milliarderlardir (272 nafari ayol, qolgan 2125 nafari erkak).
Izoh (0)