Samolyot yo‘lovchisi Boston aeroporti xodimlarini sumkasidan 9 kilogrammli qisqichbaqani olib, u bilan tushgan rasmini ijtimoiy tarmoqlarga joylashtirgani uchun tanqid qildi, deb xabar berdi “RIA Novosti”.
AQSh transport xavfsizligi ma’muriyatining (TSA) rasmiy vakili Maykl Makkarti o‘zining Twitter’dagi sahifasiga qisqichbaqaning qisqichlaridan ushlab turgan idora xodimining suratini joylashtirgan.
“TSA ofitserlari ro‘yxatdan o‘tgan yuklar ichidagi barcha buyumlarini, jumladan, 20 funt (9 kilogrammdan ortiqroq) keladigan qisqichbaqani ham tekshirish bo‘yicha ko‘nikmaga ega”, — deb yozgan Makkati.
Bostondagi dengiz mahsulotlari do‘konining egasi Liza Feynman Facebook’da qisqichbaqa unga tegishli ekanligini va TSA xodimlarining ishidan jahli chiqqani ma‘lum qilgan. “Qachondan beri o‘zganing yukini titkilash va suratga tushish odatiy hol tusiga kirdi? Shaxsan men uchun bu haqorat, axir men ularni mijozlarimning shaxsiy mulki bo‘lganli uchun qayg‘urib muzlatkichga qadoqlagan edim… Shug‘ullanadigan boshqa ish yo‘qmi?”, — deb yozadi Liza ijtimoiy tarmoqqa.
Ayolning jahlini chiqargan narsa TSA xodimi yuklar orasidan ulkan dengiz jonzotini olish uchun boshqa 12 ta qisqichbaqani ham olib turgan. Uning so‘zlariga ko‘ra, xodim qisqichbaqaning qisqichlariga zarar yetkazgan bo‘lishi mumkin.
TSA qoidalariga ko‘ra, “yo‘lovchilar yuk xaltasida tirik qisqichbaqalarni suvi oqmaydigan shaffof plastik idishlarga qadoqlab olib o‘tishlari mumkin”.
Izoh (0)