Сўнгги 12 ой давомида ўта бой одамлар, яъни бойлиги 30 миллион доллардан ортиқ бўлган инсонлар 3,5 фоизга ортиб, уларнинг сони 226 450 нафарга етди. Бу ҳақда Wealth-X компаниясининг эълон қилинган ҳисоботида маълум қилинди, деб хабар берди Insider Pro.
Сиёсий ва бозор ноаниқлигига қарамай ўта бойларнинг ўсиши Шимолий Америка (долларнинг, фонд бозори ва кучли технологик секторнинг кўтарилиши) ва Осиёда (минтақадаги барқарор иқтисодий ўсиш эвазига) қайд этилди.
Лотин Америкаси ва Кариб ҳовузлари мамлакатларида эса аксинча ўта бой аҳолининг пасайиши кузатилган. Салбий пасайиш Буюк Британия, Россия, Мексика ва Бразилияда яққол кўзга ташланди.
Ўта бойларнинг маблағи 1,5 фоизга кўтарилиб, 27 триллион доллардан ортиб кетди. Бироқ ўртача шахсий жамғарма 2013 йилдан бери биринчи бор пасайди. 2021 йилга бориб яна 72 550 нафар ўта бойлар пайдо бўлиши кутилмоқда.
Бойлиги 30 миллион доллардан ортган одамлар сайёрадаги аҳолининг 0,003 фоизини ташкил этади. Улардан 2397 нафари миллиардерлардир (272 нафари аёл, қолган 2125 нафари эркак).
Изоҳ (0)