Suriya hukumati AQShning Damashq tomonidan yangi kimyoviy hujumga tayyorgarlik bilan bog‘liq ogohlantirishiga jiddiy yondoshdi. Bu haqda AQSh mudofaa vaziri Jeyms Mettis ma’lum qildi, deya xabar beradi “Vedomosti”.
“Yangi kimyoviy hujumning ehtimoliy oqibatlari haqidagi ogohlantirish jiddiy qabul qilingan ko‘rinadi. Ular buni amalga oshirmadi”, — dedi Mettis.
O‘z navbatida, Suriya milliy yarashish masalalari vaziri Ali Haydar Damashq hech qachon kimyoviy qurol qo‘llamagani va kelgusida ham bunday qilmasligini ta’kidlab, tayyorgarlik haqidagi ovozalarni rad etdi.
Eslatib o‘tamiz, oldinroq AQSh Suriyadagi Shayrat aviabazasini kunu tun kuzatayotgani, Vashington u yerdan kimyoviy hujum amalga oshirilishi mumkin deb hisoblayotgani bildirilgandi.
Izoh (0)