Checheniston rahbari Ramzan Qodirov Saudiya Arabistoni valiahd shahzodasi Muhammad bin Salmonning Putin va Rossiya haqidagi fikrlariga izoh berdi. Bu haqda “Gazeta.ru” ma’lum qildi.
“Inosmi.ru” sayti 26-iyun kuni Norvegiyaning Steigan blogger nashriga tayanib, valiahd shahzoda Muhammad bin Salmon “prezident Vladimir Putin va Rossiyani Saudiya Arabistoni uchun asosiy xavf” deb ataganini ma’lum qildi. Maqolada shahzodaning go‘yo “bizning harbiy imkoniyatlarimiz Suriyadagi Rossiya kuchlarini 3 kun mobaynida yakson qilish imkonini beradi” degani ham keltirilgan.
“Bu soxta xabarning manbasi nemis sayti. Sayt Rossiya va islom dunyosi o‘rtasidagi yaxshi munosabatlar dushmanlari nazorati ostida. Saudiya Arabistonining Moskvadagi elchixonasi bu maqolani tarqatgan Rossiya saytidan ushbu bo‘hton olib tashlanishini talab qildi. Valiahd shahzoda devonxonasi ham bunday bayonotlarni rad etdi”, — ta’kidladi Qodirov o‘zining Telegram’dagi kanalida.
Izoh (0)