Oq Uy AQSh prezidenti Donald Tramp Ramazon oyi yakunlanishi munosabati bilan barcha musulmonlarga yo‘llagan tabrigini e’lon qildi. Bu haqda “Gazeta.ru” xabar bermoqda.
“Bu yil bayram butun dunyo Buyuk Britaniya va Misrdagi vahshiyona terrorchilik hujumlari, Ramazon ruhiga butkul zid harakatlarning begunoh qurbonlari xotirasini chuqur qayg‘u bilan yodga olayotgan kunlarda boshlanmoqda. Bunday harakatlar terrorchilar va ularning buzuq mafkurasiga qarshi kurashish yo‘lidagi qat’iyatimizni faqat mustahkamlaydi”, — deyiladi tabrik matnida.
Tramp, shuningdek, ushbu ayyom butun dunyo musulmonlari qatori AQSh fuqarolari ham qadrlaydigan mehr-shafqat, hamdard bo‘lish va ezgu niyat kabi fazilatlarning nechog‘i muhimligini yodga solishini ta’kidladi.
Izoh (0)