Pokistonning Panjob viloyatidagi Bahavalpur shahrida yoqilg‘i ortilgan sisternaning yonib ketishi oqibatida kamida 141 kishi halok bo‘lgan, 60 kishi jarohat olgan. Bu haqda Geo TV telekanaliga tayanib, “TASS” xabar bermoqda.
Avvalroq 123 kishi halok bo‘lgani va 15 kishi jarohatlangani haqida xabar berilgan edi.
Ba’zi nashrlarning yozishicha, jabrlanganlar soni 100 kishini tashkil qilgan.
Telekanal ma’lumotlariga ko‘ra, mahalliy aholi trassada ag‘darilib ketgan sisternadan oqib chiqayotgan yoqilg‘ini idishlarga quyib olmoqchi bo‘layotganda, birdan yong‘in boshlangan. Jarohatlanganlarning tanasi jiddiy kuygan, ularning ko‘pchiligi og‘ir ahvolda.
Guvohlarning so‘zlariga ko‘ra, yoqilg‘i oqayotgan joyda bir necha kishi sigaret chekkan va bu yong‘inga sabab bo‘lgan bo‘lishi mumkin. Olov o‘nlab avtomobil va motosiklni yo‘q qilgan. Hozirgi vaqtda qutqaruvchilar yong‘inni o‘chirishga muvaffaq bo‘lgan.
Izoh (0)