Turkiya prezidenti Rajab Toyyib Erdo‘g‘on muqaddas Ramazon oyi yakuni munosabati bilan bo‘lib o‘tgan bayram namozi vaqtida hushini yo‘qotdi. Bu haqda CNN Turk telekanaliga tayanib, “TASS” xabar berdi.
Telekanal ma’lumotlariga ko‘ra, Atashehir shahridagi Xo‘ja Sinon masjidida to‘satdan turk yetakchisining qonidagi qand miqdori ko‘tarilib ketgan va yerga yiqilgan. Shifokorlar voqea joyida unga tibbiy yordam ko‘rsatgan va Erdo‘g‘on o‘ziga kelgan.
“RBK“ning yozishicha, hodisadan so‘ng Erdo‘g‘on jurnalistlarga rasmiy bayonot bergan.
“Bugun mening qonimda qand moddasi muvozanatining buzilishi kuzatildi. Biroq shifokorlar qisqa vaqt ichida meni hushimga keltirdi, hozir holatim yaxshi”, — dedi Turkiya prezidenti o‘z bayonotida.
Izoh (0)