Saudiya Arabistonining Makka shahrida terrorchilarni qo‘lga olish vaqtida olti nafar xorijlik ziyoratchi jarohat oldi. Bu haqda Saudiya Arabistoni IIV vakili jurnalistlarga ma’lum qildi, deb xabar bedi “Interfaks”.
Politsiya ma’lumotlariga ko‘ra, xudkush terrorchi Ramazon oyining so‘nggi jumasida ko‘plab ziyoratchilar yig‘ilgan musulmon olamining muqaddas maskani Masjidul Haramda portlashni amalga oshirmoqchi bo‘lgan.
IIV vakili “biz nishoni Buyuk masjid, ziyoratchilar va ibodat qiluvchilar bo‘lgan terrorchining rejalarini buzishga muvaffaq bo‘ldik”, deya ma’lum qildi.
Politsiya terrorchini Makka shahridagi turar-joy binolardan birida yo‘q qilgan. “Baxtga qarshi u xavfsizlik xizmati xodimlarini ko‘rgach, ularga qarata o‘t ochdi, so‘ng o‘zini portlatib yubordi“, — dedi vazirlik vakili.
Terrorchi yashiringan binoda sodir bo‘lgan portlash oqibatida u asirga olgan olti nafar ziyoratchi jarohat olgan. Shuningdek, operatsiya davomida besh nafar xavfsizlik xizmati xodimlari ham jarohatlangan.
Mavuzga doir: Saudiya Arabistoni xavfsizlik kuchlari Masjidul Haramga uyushtirilmoqchi bo‘lgan teraktning oldini oldi
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)